Ang pondasyon sa kalungsoran sagad naglakip sa konstruksyon sa simbahan ug kombento, hasta ang kampanaryo ug ang wanang. Kini kinopya sa mga mission complex sa Mexico, nga sinuon usad sa Uropa. Ang simbahan nahimutang sa kinapusoran sa lungsod nga pinasubay sa Ordenanza de Fundaciones de Pueblos. Usa ka ordenansa nga migula niadtong 1571 nagmando sa paglatid sa plaza sa lungsod diin ang simbahan pagatukoron. Sa mga lungsod nga daplin sa baybayon, adunay lahi nga ordinansa nga nagmando sa mga tiggama sa mga simbahan nga kinahanglan nga pagahimoon ang simbahan nga dali kining makita gikan sa dagat ug pagagamiton ang edepisyo alang sa panalipod.
Usa sa mga batid nga tighimo sa mga simbahan mao ang kaparian nga sakop sa orden nga Augustino. Suwerte kaayo ang Sugbu kay daghan sa mga simbahan niya kabilin sa mga Augustino.
Sa unang gula ning akong lindog ubani ako ninyo sa akong pagsuroysuroy sa mga simbahan sa habagatan. Atong maalingatan ang katahom sa mga kabilin sa kagahapon.
BOLJOON
Ang Boljoon nahimutang sa 103 kilometros sa habagatang Sugbo. Gialirongan sa mga lungsod sa Alcoy sa amihanan, lungsod sa Oslob sa habagatan, kabukiran sa kasadpan ug ang dagat sa sidlakan.
Natukod kini isip visita sa Carcar kaniadtong 1599. Sa Oktubre 31, 1690 nahimo kining independent vicarate nga sakop ang Oslob ug Tanong (Santander) isip visita. Ang parokya ubos sa titolong Nuestra Senora Patrocenio de Maria.
Ang unang simbahan gituohang natumpag kaniadtong 1782 sa dihang midagsang ang mga pirata ug gisunog ang dakong bahin sa lungsod. Si Padre Ambrosio Otero misugod sa pagtukod sa bag-ong simbahan kaniadtong 1783. Gipadayon kini ni Padre Manuel Cordero sa tuig 1794, ug gihuman ni Padre Julian Bermejo.
Ang simbahan hinimo sa manungal ug kahoy. Tisa ang atop niini, nga sa pagkakaron gipaubos sa usa ka restoration project. Aduna kini 65 metros ang ka tas-on, 12 metros ang kalapdon ug 12 metros ang kahabugon.
Ang bongbong niini adunay 2 ka metros ang kabag-on. Miduminar sa altar ang maanindot nga retablo nga gidayandayanan sa pinolbus nga bulawan, ang susama niini makita sa may Basilica del Sto. Niño.
Ang obra maestro ni Manuel Villareal, usa ka bangiitang pintor nga lumad sa Boljoon, makita sa kisami. Ang obra gituohang may kapin na sa 80 anyos.
Ang kombento nga gihimo sa susamang tuig sa pagkatukod sa simbahan, nahimutang sa tuong bahin. Tisa ang atop, ug hinimo sa kahoy ug bato. Sa silong niini nahimutang ang usa ka museyo nga nagpakita sa ka adunahan nga kasaysayan sa parokya. Sa taas makit-an ang opisina sa parokya ug ang puy-anan sa kaparian.
Sa walang bahin, kilid sa kampanaryo, sulod sa arkong may marka nga kalabira mao ang sementeryo nga gibuksan sa tuig 1760. Sibo sa Sanitary Code of the Philippines gitak-opan kini, ug nagtukod og bag-ong sam-ang nga nahimutang sa habagatang bahin sa suba sa Boljoon.
Isip panagang alang sa mga pirata, gitukod ni Padre Julian Bermejo ang mga baluartes o bantayan sa hari nga mikabat sa kapin o kulang sa 96 kilometros ang kutay, gikan sa lunsod sa Carcar hangtod sa Santander. Nagsilbi kining Telegraph System, diin, kon ang usa ka baluarte makakita og pirata, mohatag kini og sinyas ngadto sa sunod nga baluarte, ug maalerto dayon ang kalungsoran sa uma.abot ng peligro. Sa mga lig-on pa og tul-an, ang pagkatkat sa baluarte tumoy sa bungtod sa Ilihan makita ang kutay sa baluarte sa Alcoy ug Oslob.
Ang Boljoon mahimong maduaw sa usa ka adlaw lamang sa wala nay panginahanglan nga matulog pa didto. Adunay pipila ka bus nga manukad sa South Bus Terminal. Naa say V-hire nga adto manukad sa Citylink Terminal. O pakiglambigit ba hinuon sa mga tour operator nga nagtamyag og guided tour ngadto sa habagatan.
Tana, suroy na sad sunod gula.
Usa sa mga batid nga tighimo sa mga simbahan mao ang kaparian nga sakop sa orden nga Augustino. Suwerte kaayo ang Sugbu kay daghan sa mga simbahan niya kabilin sa mga Augustino.
Sa unang gula ning akong lindog ubani ako ninyo sa akong pagsuroysuroy sa mga simbahan sa habagatan. Atong maalingatan ang katahom sa mga kabilin sa kagahapon.
BOLJOON
Ang Boljoon nahimutang sa 103 kilometros sa habagatang Sugbo. Gialirongan sa mga lungsod sa Alcoy sa amihanan, lungsod sa Oslob sa habagatan, kabukiran sa kasadpan ug ang dagat sa sidlakan.
Natukod kini isip visita sa Carcar kaniadtong 1599. Sa Oktubre 31, 1690 nahimo kining independent vicarate nga sakop ang Oslob ug Tanong (Santander) isip visita. Ang parokya ubos sa titolong Nuestra Senora Patrocenio de Maria.
Ang unang simbahan gituohang natumpag kaniadtong 1782 sa dihang midagsang ang mga pirata ug gisunog ang dakong bahin sa lungsod. Si Padre Ambrosio Otero misugod sa pagtukod sa bag-ong simbahan kaniadtong 1783. Gipadayon kini ni Padre Manuel Cordero sa tuig 1794, ug gihuman ni Padre Julian Bermejo.
Ang simbahan hinimo sa manungal ug kahoy. Tisa ang atop niini, nga sa pagkakaron gipaubos sa usa ka restoration project. Aduna kini 65 metros ang ka tas-on, 12 metros ang kalapdon ug 12 metros ang kahabugon.
Ang bongbong niini adunay 2 ka metros ang kabag-on. Miduminar sa altar ang maanindot nga retablo nga gidayandayanan sa pinolbus nga bulawan, ang susama niini makita sa may Basilica del Sto. Niño.Ang obra maestro ni Manuel Villareal, usa ka bangiitang pintor nga lumad sa Boljoon, makita sa kisami. Ang obra gituohang may kapin na sa 80 anyos.
Ang kombento nga gihimo sa susamang tuig sa pagkatukod sa simbahan, nahimutang sa tuong bahin. Tisa ang atop, ug hinimo sa kahoy ug bato. Sa silong niini nahimutang ang usa ka museyo nga nagpakita sa ka adunahan nga kasaysayan sa parokya. Sa taas makit-an ang opisina sa parokya ug ang puy-anan sa kaparian.
Sa walang bahin, kilid sa kampanaryo, sulod sa arkong may marka nga kalabira mao ang sementeryo nga gibuksan sa tuig 1760. Sibo sa Sanitary Code of the Philippines gitak-opan kini, ug nagtukod og bag-ong sam-ang nga nahimutang sa habagatang bahin sa suba sa Boljoon.
Isip panagang alang sa mga pirata, gitukod ni Padre Julian Bermejo ang mga baluartes o bantayan sa hari nga mikabat sa kapin o kulang sa 96 kilometros ang kutay, gikan sa lunsod sa Carcar hangtod sa Santander. Nagsilbi kining Telegraph System, diin, kon ang usa ka baluarte makakita og pirata, mohatag kini og sinyas ngadto sa sunod nga baluarte, ug maalerto dayon ang kalungsoran sa uma.abot ng peligro. Sa mga lig-on pa og tul-an, ang pagkatkat sa baluarte tumoy sa bungtod sa Ilihan makita ang kutay sa baluarte sa Alcoy ug Oslob.
Ang Boljoon mahimong maduaw sa usa ka adlaw lamang sa wala nay panginahanglan nga matulog pa didto. Adunay pipila ka bus nga manukad sa South Bus Terminal. Naa say V-hire nga adto manukad sa Citylink Terminal. O pakiglambigit ba hinuon sa mga tour operator nga nagtamyag og guided tour ngadto sa habagatan.
Tana, suroy na sad sunod gula.
